HATOR HATOR

Hator, hator, mutil etxera,
gaztaina ximelak jatera.
Gabon gaua ospatutzeko
aitaren eta amaren ondoan.
Ikusiko duk aita barrezka,
ama ere poz atseginez.
Eragiok, mutil, aurreko danbolin horri,
gaztainak erre artean,
gaztainak erre artean.
Txipli, txapla, pun!
Gabon gaua pozik igaro dezagun.

ZUBIRI ZUBIRI

Bi haurrek beren besoekin zubia eraikiko dute, haur bat porrupatata izango da eta bestea txokolatea baina gelako beste haurrek ez dute jakin behar zer den nor, beste guztiak, ilaran jarrita kantatuz, zubipetik pasako dira.
Abestia bukatzen denean, zubipean dagoen haurra harrapatu egingo dute zubikoek eta belarrira zer nahiago dun galdetu:"Porrupatata ala txokolatea?".
Aukeratzen duen elementuaren arabera zubiko haur baten edo bestearen atzean kokatuko dira. Guztiek aukeratzen dutenean, pertsonen "sokatira" egingo dute ea zein taldek irabazi duen jakiteko.

Zubiri zubiri,
nongori, nongori,
nongo alkate zara zu?
Frantziako erregearen
seme alabak gara gu.
Zubi hontatik pasatzen dena
hemen geldituko dela
hemen geldituko dela.
(Zer nahi duzu? Porrupatata ala txokolatea?)

SANTA AGEDA

Otsailaren 5an Euskalerri osoan Santa Ageda ospatzen da. Bezperan, kalera ateratzen gara koplak abestera.

Zorion etxe hontako denoi
oles egitera gatoz,
aterik ate ohitura zaharrak
aurten berritzeko asmoz.
Ez gaude oso aberats diruz
ezta ere oinetakoz,
baina eztarriz sano gabiltza ta kanta nahi dugu gogoz.

Santa Ageda bezpera dugu,
Euskal Herriko eguna,
etxe guztiak kantuz pozteko
aukeratua duguna.
Santa maitea gaur hartu dugu
gure bideko laguna
haren laguntzaz bete gentzake
egun hontako jarduna.

Bat, bi, hiru,
riau!

SAGU TXIKI

Jolasa eta abestia koordinatzeko aukera aproposa ematen digu aspaldiko jolas honek.
Korroan eserita, musikaren erritmoan sagua korroaren kanpoaldetik bueltak emanez dela, hasten da jolasa. Abestia bukatu aurretik, haur baten bizkar atzean jostailu edo zapi bat jarriko du. Abestia bukatzen denean ume guztiek atzera begiratuko dute, jostailua nork duen jakiteko. Jostailua duen haurra, katua algia, korrika joango da sagua harrapatzera hau bere eserlekuan jarri baino lehen.

Sagu txiki, sagu maite,
zulotxoan gorde zaitez.
Zapik ikusten bazaitu
kris kras jan egingo zaitu.
Ez nau jango!
Jango zaitu"

O, BUGI BUGI

Haur guztiak korroan jarriko dira aurrekoari sorbaldatik helduz. Estribiloa abesterakoan, abestiaren erritmoa jarraituz, biribilean mugitzen hasiko dira eta "Hey" esatean, salto bat egingo dute.
Gorputzaren atalekin jolasterakoan berriz, denak barrualdera begira jarriko dira biribilean.

O, bugi, bugi, bugi bai, hey!
O, bugi, bugi, bugi bai, hey!
O, bugi, bugi, bugi bai.
Paran-pan, pan-pan, pan, hey!

Hau da nire behatza,
hau da beste behatza,
hau da nire eskua,
hau da beste eskua.
O, bugi, bugi, bugi, bugi, bugi bai.
Paran-pan, pan-pan, pan, hey!

Hau da nire ukondoa,
hau da beste ukondoa,
hau da nire sorbalda
hau da beste sorbalda.
O, bugi, ...

SANTA AGEDA EGUNEKO KOPLAK

"Egun da Santimamiñe" abestiaren donua erabiliz, honako kopla hau abestu daiteke.

Santa Ageda, Ageda,
bihar da Santa Ageda,
bihar da Santa Ageda eta,
gaur bere bezpera gaua.

Libertatia eskatzen diot,
etxeko printzipalari,
Santa Agedaren alabaranzak
kantatutzera noa ni.

AMERIKETARA JOAN NINTZEN

Ameriketara joan nintzen
xentimorik gabe,
handik etorri nintzen, maitea,
bost milioiren jabe.

Txin-txin, txin-txin,
diruaren hotsa,
haretxek ematen dit, maitea,
bihotzean poza. (Bis)